સુરત : લાખોની ઠગાઈ આચરી ભાગતા ફરતા રીઢા ઠગ રાજસ્થાની ઝડપાયો

ક્રાઈમ બ્રાન્ચની ટીમે સલાબતપુરા અને મહિધરપુરામાં આવેલ કાપડ માર્કેટોના વેપારીઓ સાથે લાખોની ઠગાઈ આચરી ભાગતા ફરતા રીઢા ઠગ રાજસ્થાનીને મુંબઈથી ઝડપી પાડ્યો હતો.
ક્રાઈમ બ્રાન્ચનો સ્ટાફ પેટ્રોલિંગમાં હતો ત્યારે પોલીસે બાતમીના આધારે સલાબતપુરા પોલીસ મથક અને મહિધરપુરા પોલીસ મથક વિસ્તારમાં આવેલી કાપડ માર્કેટોમાં દુકાનો ખોલી વિશ્વાસ અને ભરોસો અપાવી વેપારીઓ પાસેથી લાખોનો માલ ઉધારીમાં લઈ જઈ ઉઠમણુ કરી જનાર ઠગ રાજસ્થાની એવા અશોક ભગીરથ પ્રજાપતિને મુંબઈના મલાડ ખાતેથી ઝડપી પાડ્યો હતો. ઠગ વિરૂદ્ધ સલાબતપુરા પોલીસ મથકમાં બે અને મહિધરપુરા પોલીસ મથકમાં એક ઠગાઈની ફરિયાદ નોંધાઈ હતી. હાલ આરોપીને સુરત લાવી તેની વધુ પુછપરછ ક્રાઈમ બ્રાન્ચે હાથ ધરી છે.