ગુજરાતમાં કોરોના મહામારી વચ્ચે સ્કૂલ ફીનો મુદ્દો સતત ચર્ચામાં રહ્યા બાદ અસહ્ય વિરોધ થતા આખરે સરકારે નિર્ણય કર્યો હતો કે કોરોના મહામારી વચ્ચે ખાનગી સ્કૂલો ફક્ત ટ્યુશન ફી જ વસૂલી શકશે. આ નિર્ણય બાદ મામલો શાંત પડ્યો હોઈ તેવું સરકારને લાગી રહ્યું હતું પરંતુફરી એકવાર સ્કૂલ ફીનું ભૂત ધૂણ્યું છે. રાજ્ય સરકારના નિર્ણયને બોર્ડિંગ સ્કૂલોએ ગુજરાત હાઇકોર્ટમાં પડકાર્યો છે. 2 બોર્ડિંગ સ્કૂલ વતી ગુજરાત હાઈકોર્ટમાં રજુઆત કરવામાં આવી છે કે બોર્ડિંગ સ્કૂલની પ્રવૃતિઓ રેગ્યુલર શાળાઓ કરતા અલગ હોય છે. અહીં વિધાર્થીઓને સ્વિમિંગ પુલ અને ઘણી અન્ય સુવિધા અને પ્રવૃતિઓ ઉપલબ્ધ કરાવવામાં આવે છે. વિધાર્થીઓ હજુ પણ અભ્યાસ મેળવી રહ્યા છે. બોર્ડિંગ સ્કૂલના 41 ટીચિંગ સ્ટાફ અને 51 નોન ટીચિંગ સ્ટાફ સિવાય સિક્યોરિટી ગાર્ડને નોકરીમાંથી દુર કરાયા નથી. ઉપરાંત બન્ને બોર્ડિંગ સ્કૂલ પાસે 100થી વધુ બસો છે. સરકારના નિર્ણયના કારણે તેઓને 6 મહિનામાં 1 કરોડ રૂપિયાનું નુકસાન થયું હોઈ તેઓએ ગુજરાત સરકારના ઠરાવને હાઈકોર્ટમાં પડકાર્યો છે.
You May Also Like
